Vaṭṭaka Paritta

Atthi loke sīla-guṇo
Saccaṁ soceyyanuddayā
Tena saccena kāhāmi
Sacca-kiriyam-anuttaraṁ

Āvajjitvā Dhamma-balaṁ
Saritvā pubbake jine
Sacca-balam-avassāya
Sacca-kiriyam-akāsahaṁ

Santi pakkhā apattanā
Santi pādā avañcanā
Mātā pitā ca nikkhantā
Jāta-veda paṭikkama

Saha sacce kate mayhaṁ
Mahāpajjalito sikhī
Vajjesi soḷasa karīsāni
Udakaṁ patvā yathā sikhī
Saccena me samo natthi
Esā me sacca-pāramī'ti.